Sarkar Ghos Pak

Kashti  bhanwar   mayn  meri   bari  door  hay  kinara
Meeran madad ko aao, maym Ghulam hoon tumhara

Hoon  gada  tumharay   dar  ka, dunya  yeh  janti  hay
Mayn tumhara hoon tumhara, nazr-e- karam Khuda ra

Sadqa - e - dastgeeri  sun   lo   yeh    iltjaen
Meri laaj ko sambhalo, dedo mujhay sahara

Shah-e-Jilani too nay girton  ko  hay  sambhala
Ho kar tumhara mangta phirta hoon mara mara

To ata ka aasman hay mayn gada-e- benawa hoon
Tera    karam    na    ho    to     apna   nahi   guzara

Hasni Hussaini Meeran tum ho Ali ke payaray
Teri  deed  Shah  Jeelan  Hasnain  ka  nazara

Khushiaan zamanay bhar ki, jholi mayn aaj bhar do
Thokar    par    hay    tumhari    Iqbal     ka     sitara

Adam ka But Bana ke

Adam  Ka   But   bana   ke  us   mayn sama  gaya  hoon
Waisay bhi mayn khuda tha aisay bhi mayn Khuda hoon

Khud mayn nay hi  bataya wo raz-e-Kunt-o-Kanzan
Ab     admi    ki    surat    jalwa    numa    hua   hoon

Kaa'ba kleesa mandar mujhay  dhoondhnay ko jaen
Ghafil samajh rahay hayn koi cheez gumshuda hoon

Pehlay  to  la  makaan   tha,  ab  hun   makaan  wala
Adam  mera  makaan  hay  ab is mayn reh raha hoon

Takhleeq    meri     adam,    pehchan     meri     adam
Mayn kis tarah kahoon ga adam say mayn juda hoon

Yeh  mayn  nay  hi  kaha  tha  adam  ko  sajda  kar lo
Adam  ke  but ke  andar  mayn  khud  basa  hua hoon

Adam  ko  khud  hi  mayn  nay Iqbal hay yeh  bakhsha
Ghabrao  na  fana  say  mayn  khud  teri  baqaa  hoon.